وكالة أنباء الشعر
مقالات مشابهة
سوالف ليل ماهي ليه بسرور
على الياويل قامت دوري ادّور
مثل طير السما لو جال لبرور
بسولف والسوالف عن حبيبه
بسولف عن صفاتن في حسنها
عن الكحل اللذي مالي جفنها
عن اللون اللذي ميّز بدنها
بغازلها غزل ماله ضريبه
فتاة الشوق تملك أمنياتي
فتاة الروح سلطانة حياتي
فتاتن من ذهب تهواها ذاتي
وحسها دوم من قلبي قريبه
أباصيغ الذهب خاتم مميز
أباجهز مهر لسى ايْتِجهز
ترى حبها وسط قلبي تمركز
وبلاها الروح في جسمي غريبه
أنا مرضان وهديها سلامي
أسولف لاكن امخربط كلامي
ترى مو مني من شدة هيامي
أورحت المشفى يفحصني طبيبه
إجاني الطاقم الطبي وفحصني
أبمراض العشق قام وصفني
أقلي ياولد مسحور ظني
وظن هالحاله يوليدي صعيبه
وظن لازم الك دكتور نفسي
يداويك ابدوى اسمه التنسي
يخليك ابفرح تصبح وتمسي
ينسيك العشق واللي يجيبه