الجمعة, 29 مارس, 2024
الرئيسية / قسم الاخبار / الاخبار الرئيسية / واحة شاعر المليون : عبد الله بن حديجان بين مشاربه العتب ولو أن السهر باقي

واحة شاعر المليون : عبد الله بن حديجان بين مشاربه العتب ولو أن السهر باقي

 

عبد الله بن حديجان – نجم شاعر المليون

(واحة شاعر المليون)، مساحه جديده في وكالة انباء الشعر العربي، نقدم من خلالها نجوم شاعر المليون في كل مواسمه عبر نصوص شعريه جديدة لنعود بذاكرتنا الى ثلاثة عشر عاما من الابداع والتميز والحضور المبهج في مواسم شاعر المليون في مواسمه التي حفلت بكل ماهو جميل تلك السنابل التي زرعها ثمانية واربعين شاعر قدمهم البرنامج لتزهو بهم ساحة الشعر والابداع . من خلال هذه المساحة نعيد لكم نجوم كل المواسم في باقة شعرية نقدمها لقراء ومتابعي الوكالة.

واحة اليوم كانت مع نجم شاعر المليون عبدالله بن حديجان ، الذي أهدى وكالة انباء الشعر  ثلاث قصائد شعرية .

( مشاريه العتب )

يهب الياس في دوح الرجي ويطيّر الآمال
وانا افرش حنطة اسباب امس لخماص الرجاوي زل

ينام الحلم في صدري وانا بين الرجى والفال
ويصحى قبل لاصحى في درايش ظلع صدرى طل

تجيبه لهفة الخاطر أمل يحتل عرش البال
وهو في واقعي عن جملة احزاب الامل منحل

وانا في حال والواقع عن احلام التعب في حال
تقاليد اعتبارات التزام امزاعم (اخذ وخل)

تعبت اشوفني بين الاماني من زمن رحال
تعبت وطال بي دربي غدربي بين ليت وعـــل

حشمت الضيق بالصمت الرقيق وقام له خيال
على عيني يفوح ولاشعرت الا وانا محتل

ترجل ماعلى مثلك ملام وفالك انت اعقال
مقيــم ٍ لك سنين اتل قلــبي من ظلوعي تــل

هو اسهل شي تحلم واسهل الاحلام ماينقال
هو اصعب شي حلمك يوم يولد ينولد منشل

على هون العــزاوي ياعزى الرجال فالرجال
انا دايم كثــير ٍ قيمتي ماحطهــا في قــل

سكت اسمعك واحيان السكوت ايعري المحتال
وعديتك وراي وشرهة الحشمه على اللي زل

تشوف اول مشاريه العتب في حيد كيف الحال
وانا ماخص حالك بالسؤال اخص حال الكل

بغيت انصحك شفت ان النصيحه مالها مدخال
على اللي في خريف العمر يحبي بين كل ومل

سفهتك لاسفهت البهرج اللي حط لك تمثال
سفهت اللي صنع منك انت جاهيه وراس وظل

صحيح ان المواقف تكشف الرجال والدجال
صحيح ان المراجل متعبه ماتعشــق ايت خـــل

(لو ان السهر باقي )

يمر السهر في محجر العين خيط انعاس
وامر الجروح اللي على كثرها ونيت

تعلمت اغني بعدها في قلوب الناس
ولملم شتاتي كل ماجع ولاغنيت

لو إن السهر ..يافيّ .. لـ عيونك النعاس
لقيتيني اسهر .. كثر ماسهر ولا مليت ..!

يهمك سهر عيني ياعين الرجى لاباس
انا فــ امنياتي يثقل الحمل مانخْيّت ..!

تعب والاماني مالها حل والهوجاس
من النيه البيضاء ليا اخشع ليا صليت!

يغازل ربيع النفس وسواسه الخناس
يباشر هواها كل ماوحيت وان ماوحيت

ياربي وانا عبدك دخيلك يارب الناس
من الماقف اللي فيه ذل وهوان الصيت

رغيف الاماني ماشبعته .. وشيب الراس
على مفرقي يشبع وشيبت ماشبيت !!

رجعبي زماني ياخضر العود لليباس
على اخر هوى واول حقيقه بعد ماجيت

كبرت ومعي تكبرني احلامي الدراس
ياحلم السعه ما اخجلك وجهك كثر مابطيت..؟

سهر والليال السود تفقدك .. والاحساس
على حطة ايدين الاحاسيس .. ماحسيت؟ ..!

تعبت انتظارك ماقتلت الامل بالياس
وانا لو تعبت من الامل ماكتبت البيت

من الكاظمين وزادي الصبر يالترباس
يزيد اكظمه في كل ماصبح مثل مامسيت

وزوادتي فيها الرجى والحذر بقياس
وتفسير حلم الغصن والساقيه والبيت

مجاريح .. ياشمل الاحاسيس .. لا لاباس
عطاشا حنين وساقي النبض منّا .. ميت ..!

 (غياث السهر)

انـا البـارح ياغيـاث السهـر ماغمضـت لـي عيـن وانا اغازل علـى اخـر مجثـويّ افكـاري افكـاري

عيون المستحيل تهـز صمـت الواقـع امـن سنيـن لـو المعقـول عيـنـك ماتبـيـح اشـعـاري اشـعـاري

ورى ظلعي حنين ومن ورى الظلـع الحنيـن يبيـن مشـارف غربتـي لوهـي وطـن واقـداري اقـداري

تجـاوز عيـن جالـوت السـهـر ياهـدابـك السكـيـن قبل تاضع على الطرف الكسول اوزاري اوزاري

عسى فـال القصايـد ياسمـو الطـرف فـال ٍ زيـن ولا يغـتـال مسـبـاح القـلـق بـاذكــاري اذكـــاري

تعالـي مابعـدك الا عـيـون السـيـف ابــو حـديـن وانا من سيف عينك ماتشيل اسـراري اسـراري

غدي موحش لو انك ياغدي في معطف التخميـن وانـا للبـارح اذبـح مـن سميـن اعـذاري اعـذاري

تعلمت السكـوت امـن الكـلام اللـي علـى وجهيـن قبل لانـدم وانـا احسـب زلتـي واكبـاري اكبـاري

تـبـان اول معـازيـم الشـعـر يـاهـودج النـسـريـني ازهـرة خـدهـا بـيـن الــورود اخـتـاري اخـتـاريي

شاهد أيضاً

فهد رميض الشمري في ذكريات رمضانية :أول يوم صوم في طفولتي كان”فاشلاً”

تفتح وكالة أنباء الشعر العربي نافذة يومية، تحاور فيها الشعراء والشاعرات عن ذكرياتهم الجميلة مع …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *