وكالة أنباء الشعر
مقالات مشابهة
الشاعر بدر بندر – نجم شاعر المليون
(واحة شاعر المليون)، مساحه جديده في وكالة انباء الشعر العربي، نقدم من خلالها نجوم شاعر المليون في كل مواسمه عبر نصوص شعريه جديدة لنعود بذاكرتنا الى ثلاثة عشر عاما من الابداع والتميز والحضور المبهج في مواسم شاعر المليون في مواسمه التي حفلت بكل ماهو جميل تلك السنابل التي زرعها ثمانية واربعين شاعر قدمهم البرنامج لتزهو بهم ساحة الشعر والابداع . من خلال هذه المساحة نعيد لكم نجوم كل المواسم في باقة شعرية نقدمها لقراء ومتابعي الوكالة.
واحة اليوم كانت مع نجم شاعر المليون الشاعر بدر بندر، الذي أهدى وكالة انباء الشعر ثلاث قصائد مميزة .
دورات السنين
انا عقب جرّبت دورات السنين
وعدت النظر فاحداثها المتعاقبه
ايقنت بان السر كله فاليقين
وان اقتناع الشخص من مناقبه
وان الحياه : اربع جهات وخطوتين
متباااعده .. ولكل خطوه عاقبه-
واللي فعين العقل عقل وتظرتين
نظره شموليّه ونظره ثاقبه
والارض فيها درب زين ودرب شين
وعيون اهلها كاميرات امراقبه
وما تجمع الاوراق عند الشامتين
الا ليومٍ تكشف الاوراق به
المستريح اللي ما في صدره حنين
ولا على باله ظنون اتعاقبه
الليل الطويل
يا حبيبي كل من التفكير في اللي صار اثارك
لا تحسب العمر بيوقف زعلنا في طريقه
من هاك الليل الطويل اللي ماهو ليلى مبارك
اختفت كل الدروب وسافرو كل الخليقة
كم وقفت مقابلٍ دارك واكلم باب دارك
ظاميٍ .. ليته كثر ما بلّ كمه بلّ ريقه
ادري إنك تشعر بضيقه وأنا على غِرارك
أشعر بضيقه بس اسعى جاهداً ما اشعر بضيقه
هد لي بالك وطوّل لي مداك وطفّ نارك
تستريح وتاخذ اجر اللي مطفي له حريقه
كل شيٍ نستطيع إدراكه بـ خمس المدارك
ربّنا ما كلّف الانسان غير بما يطيقه
والا انا من ذقت حِرقة شوقي ومُر انتظارك
وابتدى وقتي يشين بعيني ويفقد بريقه
ما قدرت افكر بـ ردّ إعتباري / وإعتبارك
لاني احتجتك بنفس الساعه ونفس الدقيقه
ضحّ بـ اللي فات لاجل الحاضر اللي بـ اختيارك
وارسم لـ قربك ( طريق ) وحدد لـ قلبك ( طريقه )
وإنسّ كل اللي حصل واخذ نفَس واخذ قرارك
وبعد ما تاخذ قرارك عطني يديك الرقيقه
وبـ اسالك بـ تحبّني والا الهوى عمره ما زارك
وقول احبك عندي احبك اهم من الحقيقه
براقة ورعادة
لا صار الصمت نصف المشكله فـ الحكي نصف الحل
حبيبي طوّل الموضوع لين نقصّر ابعاده
لا تسكت سولف انت السالفه بشفاك ما تنملّ
معك حلو الكلام اللي يجي في غير ميعاده
تهلّي في خطاويك النسايم والسحاب يهلّ
واغنّي لك بصوتي بين برّاقه ورعّاده
قمر لكن تطل احلى بكثيييير من القمر لا طلّ
وانا اوجد لك من ابيات الشعر ما يصعب ايجاده
قلايد من عقود الياسمين ومن عقود الفُل
لـ عنقك وانت عنقك يستحق اكثر من قلاده
من يدلّلك ما عاد يعرف عقبك .. ضاع والا دلّ !!
ومن يشوفك .. يشوف الغيد مافيهم ولا غاده
وصوفك ( بعضها ) يغني قصيدي عن وصوف ( الكلّ )
وغيرك لو يزيد يقلّ وانت اقلّك زيااااده
شعورك بـ الزهر فايح .. وشعرك بالمطر مبتلّ
ووجهك عادته يفتن .. وانا ( مفتون ) كـ العاده
