وكالة أنباء الشعر
مقالات مشابهة
واحة شاعر المليون)، مساحه جديده في وكالة انباء الشعر العربي، نقدم من خلالها نجوم شاعر المليون في كل مواسمه عبر نصوص شعريه جديدة لنعود بذاكرتنا الى ثلاثة عشر عاما من الابداع والتميز والحضور المبهج في مواسم شاعر المليون في مواسمه التي حفلت بكل ماهو جميل تلك السنابل التي زرعها ثمانية واربعين شاعر قدمهم البرنامج لتزهو بهم ساحة الشعر والابداع . من خلال هذه المساحة نعيد لكم نجوم كل المواسم في باقة شعرية نقدمها لقراء ومتابعي الوكالة.
واحة اليوم كانت مع نجم شاعر المليون الشاعر الشاذلي العجب الذي أهدى الوكالة ثلاث قصائد مميزة .
سنين العمر
سنين العمر تنقص..وعمر الغرام يزود
لحى الله غرامٍ مالقيت لشقاه علاج
حنيني مهو يشبه حنين البشر ياسعود
فوادي خلوج وكنّ حدب الضلوع سياج
تراه يترازم كلما ذعذعنّ النود
تذكره بانفاس الحبايب وهو محتاج
حراويهم ابطت والهبايب تجي وتعود
هي الرسل يوم القفر مابه سوا وابراج
عليّه مفارقهم حمولٍ تهد الطود
وانا كود اشيل من الوهن ساقي السجاج
بعادٍ مثل بعد الاماني عن المقرود
قرابٍ مثل قرب المنايا من الاوداج
حياتي لهم لِن كان راحت بلا مردود
اببكي عليهم ماابكي العمر لوّه راج
مثل ماعلى الجمرة يذوب ويفوح العود
دهاني الفراق وفاح سرّي مع الهرّاج
ماني والله مغير ظنوني بهم ياسعود
لكن الجبل لو ماجت الارض تحته ماج
عسى ما اخلا منهم ولا من هبوب النود
رسول الهوى يوم ان مابه سوا وابراج
جنة ونار
لو قالوا انه فالحياة الاخرة جنة ونار
قلت فهواها شفتهن،قبل الحياة الاخرة
تضحك لي شفاه الهوى..واضحك كالاطفال الصغار
واثر الهوى ضحكته في وجه الهواوي..ساخرة!
يا مااحقر الاعذار،لاجاتك بعد طول انتظار
ماترضي الا من تملّكه الهوى عن آخره
والله يالولا ان المحبة شي فوق اي اعتبار
ماطاح لك دمعي..وانا لمفارق امي ذاخره!!
ولا ترقبتك وانا مابين ريبة وانكسار
كالكافر اللي يرتقب بعث العظام الناخرة
ياابو خدودٍ حمر..لايغرك بخديك الحمار
الله يقول اهل الكبر تدخل جهنم داخره
لاترتدي ثوب التغلي وانته اشبورك قصار
ماكلّ متن يلوق له لبس البشوت الفاخرة!
خليتني عن الكلام اصوم لا حل النهار
واقيم بالهوجاس ليل الحب،لين اواخره
ابكي من الواقع..واشوش لذكريات الانتصار
مثل الضعوف اللي بفعل جدودها متفاخرة
فان جيتني من بعد جفوة..قلت يانور الديار
دلو الجفا..ماعكّر بحور الوداد الزاخرة
وان كان قطّعت الرجا بك..ماعلى قدرك غبار
طبع الهوا..يجري بما لا تشتهيه الباخرة..
مجد راكان ومعزي
في سمو ولي العهد
هذا الامير ونعم،ولا على الاسم زود
اسمه يجمّله قبل فعوله اتجمله
جادت به سنيننا اللي ماحسبنا تجود
مااغلى من السيل،لا جا والعرب ممحلة
لولاه كفو الحمول اللي تهد الحيود
ماحمّله ربي الحمل..ونهض و احمله
عجلٍ على الماقف اللي مايبي له برود
والبر خيره،ليا من صار فيه عجلة
يتعب على مبادراته والحصيل محمود
ويناظر لحاضره بعيون مستقبله
ويسنع المرحلة،ويخلد اسمه خلود
لذلك اكبر خطا،قولة رجل مرحلة
لان شفته يمد شوفه للسما لاترود
يتخير مع الكواكب كوكبٍ يدهله
واليا سمعته يدوي مثل دوي الرعود
ابشر بسيلٍ يجث الجهل من معقله
وان عاد شعبه على قصره بدودٍ وفود
ماهو يقود الكرام الا كريم سبلة
في عينهم مثل اسد،يحمي عرين الاسود
ومثل الصقر في هداده يرتفع منزله
ومثل الحصان الاصيل الخير فيه امعقود
ومثل النهار اخره ماهو سواة اوله
ابوه ضراه..مايرجع بلا ايّات فود
والسهم…
