وكالة أنباء الشعر
مقالات مشابهة
(واحة شاعر المليون)، مساحه جديده في وكالة انباء الشعر العربي، نقدم من خلالها نجوم شاعر المليون في كل مواسمه عبر نصوص شعريه جديدة لنعود بذاكرتنا الى ثلاثة عشر عاما من الابداع والتميز والحضور المبهج في مواسم شاعر المليون في مواسمه التي حفلت بكل ماهو جميل تلك السنابل التي زرعها ثمانية واربعين شاعر قدمهم البرنامج لتزهو بهم ساحة الشعر والابداع . من خلال هذه المساحة نعيد لكم نجوم كل المواسم في باقة شعرية نقدمها لقراء ومتابعي الوكالة.
واحة اليوم كانت مع نجم شاعر المليون الشاعر محمد المويزري الذي أهدى الوكالة ثلاث قصائد مميزة .
حمامة
حطي على غصن الرجا ياحمامة
عشان جنحان التعب مو عشاني
ولا أنا لا من غشتني جهامة
عزمي على قطع الخرايم كفاني
هب البراد وشب صدري هيامه
وعقب لنا ( الجبهة ) ( سهيل اليماني)
أنا بدويٍ لو تحضّر .. غرامه
حوفة معاميله وذبح السماني
ماحصلن لي من جلوسي سلامة
هنيكم يا عاشقين المباني
بسج رجلي مع رجال الكرامة
اللي سوالفهم دروس ومعاني
في خايعٍ عشبه يضاحك غمامه
من وين مانسنس هواه اهتواني
فيه أم سالم ماخذتبه زعامه
لا يابعد ضرب الطبل والأغاني
اسج معها سجة اللي عمامه
عالوا عليه و خابر أنه حصاني
وادوج دوج اللي يحذف العمامة
فاني لو أن العمر ماهو بفاني
ريح الخزاما يوم اقلّب ثمامه
يردني لو ماتغير مكاني
وارجع بعطر الذاكرة عن حمامة
طارت بعد خلت غصن فالمحاني
اترق رق
المسا .. واجده في عيني قليّل
له ثلاث أيام ساعاته تشابه
آتحالى قَهوته.. ولا آتحيّل
تمرته.. حتى تجي عز ومهابه
والهوى وصلٍ من الفرقا مذيّل
ما تعداني حياه ولا سحابه
آترقرق مع شهاليله و اسيّل
كل معنى.. عَقبّه جرح وصبابه
للغزال اللي قبل عامه.. غزيّل
ياذهابه وين ماغنّا .. ذهابه
كل ما ميّل عليه الشوق ميّل
يمّ قلبٍ واسعه .. حب ورحابة
جا.. واخذ علمي وفنجالٍ مهيّل
لين ماجابت حمام الورق.. جابه
قال: والرمضا بعينه.. وين أقيّل
قلت: من ضيّع سحابه في حسابه..؟!
قال: تدريبي.. وقلتله آتخيّل
مايوالف بين عودك والربابة..!
قام عَجل.. وقال للدنيا تليّل
من بعدها ..جلّ ساعاتي رتابة..!
أرض الوطن
ياضيقة البال كم باقي من السيرة وامد السنين
العمر ينزفني أحباب وجروحي عفت من الدوا
ملّت طيوف الجميع تبات في جفني وجفني حزين
لاهزته ريح خلاني تهزّم راعده وارتوى
خده وخد الثرى والليل والأوراق فكر وأنين
ياكم غريبٍ من دموعه ليا ضاق الخفوق اكتوى
شبت اركض عجاف وقتي في رجا يومٍ لجهدي سمين
والجاهل يبلني من عوج الأريا لين فكري ذوا
للعلم حقه وللغربة غريب وكل صدري حنين
في عيني أرض الوطن ومفارقه ساعات ماهي سوى
لا ياوطن لاتحسس من يموتك بإن جرحه هجين
تحمله لاشكا تقصير روادك وكلّ النوى
تعبت اجابه من الصكات واعزّي زنود المتين
وأنا وراي الهوا واللي قبال العين نجمٍ هوا
من زفرة الوقت جيت ومن جواب لكل علمٍ دفين
فوقي من المجد مافاق المتون اللي طواها الطوى
وشعاد لافحت عود ومابقالي فالمحاذير عين
ياضيقتي مايحط الشرط غير اللي فالآخر قوا
قولي للأيام تمشي واهدي الشمات هالكلمتين
لي جسرةً لو تحط بصدر سراح المنايا ضوا
