الخميس, 28 مارس, 2024
الرئيسية / قسم الاخبار / الاخبار الرئيسية / واحة شاعر المليون: مشاري الرشيدي بين عنتر وعبلة و انتبه لاتنام

واحة شاعر المليون: مشاري الرشيدي بين عنتر وعبلة و انتبه لاتنام

(واحة شاعر المليون)، مساحه جديده في وكالة انباء الشعر العربي، نقدم من خلالها نجوم شاعر المليون في كل مواسمه عبر نصوص شعريه جديدة لنعود بذاكرتنا الى ثلاثة عشر عاما من الابداع والتميز والحضور المبهج في مواسم شاعر المليون في مواسمه التي حفلت بكل ماهو جميل تلك السنابل التي زرعها ثمانية واربعين شاعر قدمهم البرنامج لتزهو بهم ساحة الشعر والابداع . من خلال هذه المساحة نعيد لكم نجوم كل المواسم في باقة شعرية نقدمها لقراء ومتابعي الوكالة.

واحة اليوم كانت مع نجم شاعر المليون  مشاري الرشيدي الذي أهدى الوكالة ثلاث قصائد مميزة .

 

انتبه لاتنام

ياشايب الصبر مابيني وبينك كلام
تجاربك بالمحبة كلها ما نجحت
تبقى ونعم الخوي طول ال ٣٠ عام
نفوسنا سامحة و ظروفنا ما سمحت
خلك على جنب وارتح وانتبه لاتنام
يمكن تهيالك الفرصة متى ماسنحت
خوية البال فيها مايشّد الحزام
نصحتها من بدايتها وهي ماانصحت
مع احترامي لها عاملتها بااحترام
على كثر ماجرحتني كنها ماجرحت
اي والله الومها لو ماعليها ملام
لاقلت ابي منّك اطلاق السراح سرحت
مافكرّت قبل يجذبها شعور الغرام
ياليت بنت الحلال من الغرام استحت
الخوف كان اختفت فجاءة كذا ياحرام
والموت كان انها يم الغياب طمحت
نامت على القلب يوم انها غلبها المنام
لكن عساها تصحيني متى ما صحت

شرهات خلق الله

‏ياضيقة الصدر مدري وش بقى تحترين
‏مادام شرهات خلق الله لعينة ثوى
‏كم لي وانا اقول زانت مير عيت تزين
‏وان قلت ياوقت يكفي قال مالك لوى
‏ماعاد تفرق تجي من وين والا منين
‏مير البلا والمصيبة لا تقافت سوى
‏ياغافل الوقت مايغفل عن الغافلين
‏خذها على مستوى ياللي على مستوى
‏ياطول بالي وانا شاعر وقلبي حزين
‏هجاد ياهاجسي من ذيب قافٍ عوى
‏للشاعر شعْور لو يشعربه الاخرين
‏ان كان جرحه ماصار لجرح غيره دوى
‏ياشعر ضحّيت لا بشاعر ولا شاعرين
‏ياما سطع نجم في عالي سماك وهوى
‏الدرب موحش وانا لحالي عسى الله يعين
‏ لايمكن ارجع و انا راسي يشم الهوى
‏كانوا هنا احبابنا كانوا هنا حاضرين
‏وغابوا ولا فيه داعي نكشف المحتوى
‏اللي نسونا نسوا لا ياخذون الحنين
‏ولكن اللي نوى يبقى على ما نوى
‏ لبيه لبيه لا مره و لا مرتين
‏مع كل مسراح صبح وكل ليلٍ ضوى
‏يامرحبا فيك يااغلى احبابي الغايبين
‏العمر معك ابتدا و النفع تو استوى
‏جيتك وكل الزهاب اللي معي دمعتين
‏من غير حر الجروح و غير حر النوى
‏يوم ان ربي جمعنا و جمعتْنا السنين
‏والله ما ابيعك وانا راسي يشم الهوى

عنتر وعبلة 

اتحلى ب الصبر واتحلوى له
وان توجهّ شرق وجهّت للقبله
لوكبر همي ماني با اصغر عياله
يدري اني ١٠٠ حساب حاسب له
ياحبيبه شاعرك عاش هالحالة
الرجاء بالله ما ينقطع حبله
ادرِي ان الله معه ماهو لحاله
لا تهمك سالفة عنتر و عبلة
انسي الماضي لو إنا رجعنا له
البنادم ماله الا مايكتِب له
واذكري صدرٍ تحبين مقياله
يمكن السلسال يشتاق للدبله
شاعرْك لا لا تقولين ماقاله
حبك الاول لا بعده ولا قبله
جعلهم يفدونك اللي على باله
واجد اللي منهم الكبد مندبله
لانطحتي فال شعري نطح فاله
تطربيِن الشعر والناس تطرب له
كل ما اقبلتي خطاويك مختاله
ياقبلْة الله على الملح و القبله

شاهد أيضاً

نجيب محفوظ شخصية معرض أبوظبي الدولي للكتاب ومصر ضيف الشرف

  تحت رعاية رئيس الدولة الشيخ محمد بن زايد آل نهيان، يُنظم مركز أبوظبي للغة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *