الجمعة, 29 مارس, 2024
الرئيسية / قسم الاخبار / الاخبار الرئيسية / واحة شاعر المليون: عبدالله بن لهمود بين ياملوعني و ليل الهواجس

واحة شاعر المليون: عبدالله بن لهمود بين ياملوعني و ليل الهواجس

(واحة شاعر المليون)، مساحه جديده في وكالة انباء الشعر العربي، نقدم من خلالها نجوم شاعر المليون في كل مواسمه عبر نصوص شعريه جديدة لنعود بذاكرتنا الى ثلاثة عشر عاما من الابداع والتميز والحضور المبهج في مواسم شاعر المليون في مواسمه التي حفلت بكل ماهو جميل تلك السنابل التي زرعها ثمانية واربعين شاعر قدمهم البرنامج لتزهو بهم ساحة الشعر والابداع . من خلال هذه المساحة نعيد لكم نجوم كل المواسم في باقة شعرية نقدمها لقراء ومتابعي الوكالة.

واحة اليوم كانت مع نجم شاعر المليون عبدالله بن لهمود، الذي أهدى الوكالة ثلاث قصائد مميزة .

 

ياملوعني

ياملوعني على لحظة لقاك
ليه بينت الجروح الخافيه
القصايد عذبتني في جفاك
كل ماجريت لحن القافيه
وان سمعت احداٍ من احبابك طراك
كالمريض لياسمع بالعافيه
اعشق اوصالك ولو دربك هلاك
والمشاعر تعتني لك حافيه
ان حضرت ينور الدنيا ضياك
وشمعة العشاق بعدك طافيه
انت في زينك رفيعً مستواك
وافي وفيك السجايا وافيه
من يمر هرج المعاتب في شفاك
كالعسل متخالطً بكنافيه
في غيابك كم لعنة الارتباك
والسعادة والاماني جافيه
قلبي البردان ملهوف الدفاك
وانت حضنك به طقوسً دافيه
مايفكر خافقي كود برضاك
صافي لك والنوايا صافيه
لد في عينك على اللي مانساك
وخلها بوجه العواذل غافيه

ليل الهواجس

سرا ليل الهواجس والمشاعر زندها قداح
واخذت امن الفجر ..موعد قبل لايكشف اوراقي..؟
قبل لاغادر ديار الفلاحي واعلن المرواح
هنا علمن ..يدور ابخاطري ويهيم بشواقي ..؟
دخلت ابكامل الاشواق مع بوابة الامداح .!
ولا فكرت فالرجعه ولا فكرت فالباقي..؟؟
ورب البيت ما اسعى للضهور ولا اطلب الارباح..!
لو ان الفقر ينهش في يدّي .وفي طرف ساقي …
على ايش ..ازعل من الدنيا..وياما جا وياما راح
كرامت نفسي..اول واخر الاهداف فخلاقي
اسج ابدنيتي واعيش فيها بالنقى الوضاح
وقناعاتي محاطه بالرضى ..لرضيت خلاّقي.!
الي قلبن على سود الليالي كنه المصباح
والي نظره ..بعدواني والي نظره بعشاقي ..!
وانا واللي خلقني من عدم ماني قصير اشباح
واشوف ان الامارات اتحيا واتدوم فعماقي..!
ومن حبي لها لوقمت اهوجس وافرك المسباح
ا قول اني اماراتي ..لواني شاعر اعراقي..!
احس المدح فيها ..وردتن حمرا ..شذاها فاح
واشوف المجد معها..راقي.. وعرش الغلا راقي..!
بلادن في سما المجد المشرّف برقها لوّاح ..
بلادن ..حاتميه ..ما تخيّب هقوت الهاقي..؟
حملها زايد ابكفه ..رحمه الله.. وهو مرتاح ..
وعداها ..الكواكب والنجوم وكل الافاقي ..!
وكرّمها خليفه .. لين لبست من دهاه اوشاح
سنام المجد. كفه بالعطا والجود ما ضاقي..؟
وبوخالد محمد في يديك القفل والمفتاح ..
ترا هالقلب بيتك تمسي وتصبح بخفاقي..!
يا ..مرتع شوفنا ..يا حصن اهلنا ..يا غِذا الارواح
يا نهرن ماه عذب .. ورحمته للارض والساقي
نشوفك .وانت من شافك يشوف النور والافراح
يا درع المسلين ان ضاقت ويبسن الارياقي
اقوله والقصايد في سموك حظها ما طاح
يا حلو المدح ..لا سيّر عليك ..وجاك مشتاقي

 

أحضري يالمعاني ،،،

أحضري يالمعاني يوم قلت أحضري
وابشري بالحضور اللي يسد الغياب
دام راسي عنيد اليا بغيت اشتري
ما شريت الرخيصه جعلها للذهاب
أقطف من الغصون الزاهيات ثمري
واترك اللي رماه الريح فوق التراب
من بحور القوافي دام فكري ثري
ماحبست الفرايد بين طي الكتاب
كان ماهو ينومس لابتي مظهري
ما رفعني قصيدي لو ينوش السحاب
فوق روس المعالي يوم امد ابصري
واتجاهل بطون الأوديه والشعاب
خبرو راعي المنقود لايحتري
زلةٍ من جناب اللي عزيز الجناب
خابر اهل الصحيح وخابر المفتري
ماحشمت الذليل بحشمة اللي مهاب
لوحداني ضماي وخافقي منهري
ماشربت المعتق لوعنيت السراب
ملتزم بالمبادي يوم عودي طري
وتصبر على زخم الشقا والعذاب
وان تجاهل قليل المعرفه مصدري
قلت نور الحقايق ما يهاب الضباب
الخوي ماعطيته باللزوم ظهري
واتحيزم بربعٍ ينطحون الحراب
كان ماني بمدح الغانمين اجهري
عيب ذكري لقومٍ ماعليها عتاب
حيث فعل النشاما بالزمن ينطري
مثل مايطري التاريخ سيرة عقاب
خوة اللي يقوم بلازمي مفخري
لجل رفعة خويه مايهاب الصعاب
والردي ما بقى له بيت بين اسطري
حيث لانه منوخ بالنمايم ركاب
أسفري ياوجيه الطيبين اسفري
دام لك عند رب البيت ود ورحاب

 

شاهد أيضاً

فهد رميض الشمري في ذكريات رمضانية :أول يوم صوم في طفولتي كان”فاشلاً”

تفتح وكالة أنباء الشعر العربي نافذة يومية، تحاور فيها الشعراء والشاعرات عن ذكرياتهم الجميلة مع …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *