الخميس, 28 مارس, 2024
الرئيسية / قسم الاخبار / الاخبار الرئيسية / تهاني التميمي ضيف الوكالة في “أنستغرام شاعر”

تهاني التميمي ضيف الوكالة في “أنستغرام شاعر”

شاعرة مبدعة تغرف من بحر الإبداع وتكتب قصيدتها باناقة رائعة، ابنة رجل يعشق القراءة والثقافة وهو المؤثر الأول والداعم لها، انها شاعرة المليون  ونجمته في موسمه الثامن، من عروس الشمال، الشاعرة السعودية تهاني التميمي .

View this post on Instagram

. . . 🕊قصيدة مرحلة ال48 . . . صمم.. . . جابت الريح الوجيه وإنفتق جرح بثواني من ضجيج الشارع المليان. "ضد" بكل مله . احتجاجات وربيع وصحوة تصمّ الأذاني طين ظن انه اله النار والجنة بظلة . والطفوله خافت احزاب يوحدها الصواني الوعي ..واللاوعي شافوهم مسوخ مغله . طفلة انسام المدى تستعجب الوجه الاناني واقفه تزفر سؤالات وأنين .. وحرف علة . ليه ذابت سكّرة ( ايلان ) في موجة ( كوباني ) من غرز بعيون ( عمران ) السؤال وقال حلّة . من يذر الموت بـ اروقة الشوارع .. والسواني ! من عزف لحن الضياع بصوتها .. واللحن من له ؟ . من هتك عرضك يالاجمل .. يالأعف من الاغاني يا ( بلاد العرب اوطاني ) وشلتي حمل غله . من قتل فينا الطموح .. وكبّل يدين الأماني من فرض هذا (الخريف) وسيف هذا الظلم سلّه . بشره ان القصاص اصبح قريب من المحاني وان ليل الغدر مهما طال له .. تاليه ذِلّه . بشّر المظلوم ان الصبح لون وشكل ثاني لا تغشّاه السواد .. ولا المهانة له (جبلّه) . ود صوتي للمنافي .. للسواحل .. للمواني علّ يقتاد الشتات بدرب (أمّتنا) .. ويدله . من عتيمك يالعجاف السبع* كحّلت ببناني عيني اللي ترقب الفجر القريب ومسفهلّه . طفلةٍ تتلو لباكر .. رحمة السبع المثاني لاجل تعتق هالطوالع منبع الدمع ومبلّة . ودها تورق وترجع مثل ماكانت (( تهاني )) قبل يذبلها جفاف يصب ( ضد ) بكل ملة . تهاني التميمي "الاسمى" . . #الاسمى #شاعر_المليون8 #شعر #تهاني_التميمي

A post shared by تهاني التميمي (@alasmaa369) on

تقول :
يممت وجهي للسما واسرجت لك .. بيض الرباب
الريح ميداني واسابق عاتيات الشوق لك

View this post on Instagram

. . . عاديات الشوق . يممت وجهي للسما واسرجت لك .. بيض الرباب الريح ميداني واسابق عاديات الشوق لك . لي ليلتين اتخيل عيونك .. وحضنك..والغياب ياخذني لعالم جميل يلوق لي .. ويلوق لك . ايه اعشقك .. وآعاتب الدنيا وازود بالعتاب ليه حرقتني دمعة اليتم واجي ..بحروق لك . هذي عيونك .. فدوته كل عين تحضني سراب للصدق في وجهك وطن .. يفرض علي حقوق لك . سكبت باسماعي غزل ؟؟! ليتك تمدك لي شراب بفقد مرار الكذب حولي وارشفك وآفوق لك . لاني احبك ياحبيبي .. ياحبيبي مااهاب اقبل على صدري وغن.. لك فيه شي يروق لك . جيتك امد الزاد بيديني .. وفي عيني سحاب اتشكلت من بحر حبك .. كل قطر يتوق لك . هز جذع حرماني تقبّل.. ماتراما لك وذاب من مايسٍ ميل على روحك .. ومد عذوق لك . . . . #تهاني_التميمي #شاعر_المليون #الاسمى #الإمارات #السعوديه

A post shared by تهاني التميمي (@alasmaa369) on

من عروس الشمال جذورها ونشأتها بأرض الطيبة ودرة الشرقية “الدمام”. تقول عن نفسها بأنها نتاج عوامل كثيرة اثرت فيها وايضا أثّرت بها (اثرتني واثريتها) .

وعن برنامج شاعر المليون تقول :(قدم لي قلوب محبة وذكريات احبها .. تجربة فارقة روحيا ومعنويا وادبيا لااعتقد ان هناك حدث يضيف للشاعر مثل برنامج شاعر المليون )ز

تهاني التميمي ضيفة الوكالة في (أنستغرام شاعر) في هذا الاسبوع، لنعيش برفقتها لحظات نتنقل في عالمها الابداعي، والى التفاصيل .

شاهد أيضاً

نجيب محفوظ شخصية معرض أبوظبي الدولي للكتاب ومصر ضيف الشرف

  تحت رعاية رئيس الدولة الشيخ محمد بن زايد آل نهيان، يُنظم مركز أبوظبي للغة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *