وكالة أنباء الشعر
مقالات مشابهة
مهداه لسمو الشيخ محمد بن زايد آل نهيان
يرد الخبر طيّب أبو خالد كحيلان
خذا بثار وِلْدِه قبل ما يْعَزّي عياله
كفو كفو يا محمد بن زايد النهيان
يا ذخر العرب سيف الإمارات وعقاله
عليك السلام ودمت للدار عالي الشان
وثارك مثل ما قلت ” مرضوف ” بأدباله
يا طيبك معانا ومع عدوّك شديد أوزان
ونظرة عيونك بالغضب حيل قتّالة
وقفت ووقف مِعْك الأمر وإبتدا العنوان
هنا نقلب الصفحة وهنا نقرص الداله
هنا لازم إنا للعدو نعقد الحجّان
هنا لازم إنا للوطن نسعد أحواله
خليج السماحة له صقر لاأطلق الجنحان
أبد ما يرده دون صنعاه عيّاله
يا صقر الخليج إنقلّطك صدر بالديوان
وديوان تقلط به صدر يا هنيّا له
إماراتنا سبعة وثامن إمارة بان
كرَمْك اللي ما يستوعبه كبر مدهاله
يا صانع من الأجيال فرسان للفرسان
يا مانع عدوّك من دفاه وهنا باله
يا لاغي عطايا اللي تردد يبي النقصان
يا فارض وجود الخير يا خزنة أمواله
كأنك تقول الكف هذا كثير إحسان
مع الخير لكن من تعدّا مهو أشواله
يا إنسان في دنيا خَلَت من وفا الإنسان
يا قايد جمع كل المحبّين بـ ظلاله
نبي نكتب إسمك يا محمد على البيبان
وشرف ذكر إسمك راح يغني عن إقفاله
الشاعر : عوض نفاع
