الرئيسية / قسم الاخبار / الاخبار الرئيسية / واحة شاعر المليون: الشاعر العماني عامر الحوسني بين ” غيابك و أغراب”

واحة شاعر المليون: الشاعر العماني عامر الحوسني بين ” غيابك و أغراب”

مساحه جديده في وكالة أنباء الشعر العربي نقدم من خلالها نجوم شاعر المليون في كل مواسمه عبر نصوص شعريه جديدة لنعود بذاكرتنا الى ثلاثة عشر عاما من الابداع والتميز والحضور المبهج في مواسم شاعر المليون التي حفلت بكل ماهو جميل. تلك السنابل التي زرعها ثمانية واربعين شاعر قدمهم البرنامج لتزهو بهم ساحة الشعر والابداع . من خلال هذه المساحة نعيد لكم نجوم كل المواسم في باقة شعرية نقدمها لقراء ومتابعي الوكالة.

واحة اليوم كانت مع نجم شاعر المليون الشاعر العماني عامر الحوسني الذي أهدى الوكالة قصيدتين (اغراب و غيابك ) .

اغراب

ضاع العمر ما بين وتساب وسناب..
والناس صارت ..ما تحاكي بعضها

اغلب الأوادم صاروا بمثل الأغراب
وكلن على هاتفه عينه ربضها..

تخالطت عاداتنا بملح وتراب..
والناس صارت بالهواتف غرضها

ادمان ياعصر التطور على حساب
ارواحنا.. والعمر نفس.. وقرضها..

هذا ذبح له اسره بسب وتساب
وهذا قتل نفسه وعينه غمضها..

وهذا يسوق وفاتح له على سناب
والحين صبعه بالندامه عضضها

الله يرحمهم مفتلة الاشناب
ياللي فعايلهم كم اللي حفظها

قطرة حليب( وشجب واسقا) وترحاب
الله يرحم يالزمن من (مخضه)

غيابك

تمازح في غيايك.. بس ما كل الغياب مزاح..
تراها النار حضن النفط في هالعمر تحتاجه..

احبك.. وانت تدري كيف احبك والسنين مراح
متى قلي على الله لو تغيب شوي نتواجه..

ترى هذا (الشوي) اللي تشوفه ياحبيبي سلاح
رمى كل الرصاص وما وحيت ترد مزلاجه..

ورحت وهو وراك.. وانت ما تدري بأنه طاح
يالين الحين جرحه ما لقى له بعدك علاجه

تسولف عند غيره.. وانت ما تدري الغياب جراح
كأن اللي سجنته عمر.. ما صرحت بإفراجه

قفلت القلب من خارج عليه ورحت بالمفتاح
وتركته كالفقير اللي يدور من غني حاجه..

يقولولك اهو المرتاح ََقوللهم كذب مرتاح
مدام ان الحجر قلبك َ… ترى هو قلبه زجاجه

حبيبي بسني ما راح اعاتب قوم.. روح ارتاح..
زعجتك بالكلام وضقت مثلك عاد من حاجه..

شاهد أيضاً

35 أديبا عالمياً في مؤتمر الناشرين الإماراتيين

تجمع هيئة الشارقة للكتاب 530 من الناشرين والوكلاء الأدبيين إلى جانب 35 متحدثا من مختلف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *