وكالة أنباء الشعر
مقالات مشابهة
طفله تدلا شعرها
بيـن انتصــار القصـيــده وانــهزاماتـهـا
يــرتاب لحـن الحياه أو ربّــمـا يـحتـضِـر
ولـ هتز صدر القوافـي تــبـكي ابياتـهــا
مال الوجع غـير غصنٍ مـورقه من حبِــر
لامالت الشمس رحــت اتــبـع مساراتـهـا
غــاوي وافتّش على بنت الـحلا والفــكِـر
طفلة تدلّـى شعـرها لــ ابتسامــاتــهــا
وطاحت مع البسمه الأنقى مـدايـن كـِبِــر
قـالـت احبــّك وانـا عــارف تنــهّـاتـهــا
يا خذنـي لْـمرحلـة مـاقـبل قـبل الصفِــر
العيـن عيـن المهـا والرمش مــأساتـهــا
متجدّلٍ يبعــد عّـنْ الجفـن مرمـى فـتــِر
لاسولفـت كـن ريح الـفـل يــقـتــاتــهـا
مـن فـمٍ أشهى مـن الفكره لاصارت بـكِـر
تغوصنت بي وانا اشهق طـيــب زفراتـهـا
مـن توته البـرّي اجتاح الشهيق الــعـطِـر
هـي قـصـّة الـنــاي تاخـذنـي بـونّاتـهـا
لاقصى مدى الشعر يخرب بيت هذا الشعِر
خـلاّنـي ارســم مــلامـحـهـا…
رزنامة الماضي
لاتسأليني عـن الماضـي ورزنـامـتـه
النـظره احيان تنبي عن مساري حنين
غرّبني الشـعر واغـوانـي بدوّامـتـه
حـتّى تعلّـقت بْجدار ( النبط ) للسنين
بنيت قـبة ألم بـ اسـواقه الصامـته
يوم اعذب الشعر ميّزني من الصادقين
يـابنت آدم وشـعّار الـعرب شـامته
لاتنكأين الجروح ويفـرح الشامتـين
صدري بحر والعصا لوفـرّقت قـامته
لحظة يباسه (معيشه ) والغرق للظنين
لوزفرته تجلـب الدهشـه لـ نـهّامته
للنـوخذه عـين تبـحربه يسار ويمين
خوذي من الشعر قطعه والمسي خامته
ديـباجـته رقّـة الما مرّت بْـراحـتيـن
يامريـميّه و وديـان التـعب هامـته
هزّي نخل بيته وْيسقط لك الياسميـن
الصـبر مـهما بلغـته مبـعدٍ هـامـتـه
لومسّني ( الضُر) ربي أرحم الراحمين
ماقلت ( حنطه ) ولانزّلت مـن قـامـته
يوم النهر كان مغزا لـ اصدق المؤمنين
ماجـيت بـحرٍ تسلّت فـيه عـوّامــته
فرض الكفايه على قلّ الادب فرض عين
يوم الجمل تعْرفه من طيب درهامتـه
كفرت بالقوم واستليت سيف اليقيـن
ولازلـت اهندم شعوري واللبس عْمامته
واسرّي اسباط حرفي للقراح المعين
وانا اكثر انـسان جــادوا فيه لـوّامـته
من طيبهم كلّ ( طعنه) بالظهر طعنتين
