الرئيسية / قسم الاخبار / قصيدة جديدة للشاعر خالد عبد النبى في عيد الأب

قصيدة جديدة للشاعر خالد عبد النبى في عيد الأب

كتب الشاعر خالد عبد النبي قصيدة جديدة بعنوان “صورة منك يا بابا” بمناسبة الاحتفال بعيد الأب.

أنا صورة منك يا بابا

يا كل الأمان وكل الطيابة

صورة منك وحالفة لتفتخر بيها

صورة منك تقدر تسند عليها

صورة منك

تعبت عشانها طول عمرك

صورة منك

عارفة تعبك عارفة صبرك

صورة تكبر

مهما تكبر تحت امرك

صورة منك

ياصاحبي اللي عمره ما خان

واكتر حد بحكيله

ومش خايف ومدي امان

ولما بيقسي بتعلم كمان وكمان

ولما يحن بطمن في اغلي كيان

صورة منك بتحكي وتقول

أبويا زمان كان يجي من بَره

شايل حاجات في ايديه

ويقول تعالي انا جبتلك

كل اللي نفسك فيه

صورة منك فاكرة تعبك والشقي

صرفت كتير علي دراستي

كان همي ياما يكتفك

وكنت اكتب في كراستي

هنجح ولازم اشرفك

صورة منك

ياللي عشت العمر ليا

وعافرت عشاني كتير

أنا نفسي يوم تسند عليا

وانا تحت امرك اسير

صورة منك

يا قلب شال هم وبُكي

اكتر كتير م اللي اتحكي

ولا شوفته يوم مرة اشتكي

الأب السند والأمان والثقة

صورة منك

بتعلمني معني الإنسانية

وأحب الخير لغيري

زي ما احبه ليا

صورة منك

بتعلمني اخلاق النبي

وإزاي رضاه مكسبي

وحقيقي بجد شكراً

وألف شكراً يا أبي

شاهد أيضاً

نادي الصداقة الإماراتي الفلسطيني يطلق جائزة الأخوّة الثقافية

  أطلق نادي الصداقة الإماراتي الفلسطيني – الذي يتخذ من العاصمة أبوظبي مقراً له – …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *