الرئيسية / قسم الاخبار / الاخبار الرئيسية / واحة شاعر المليون: ثاني الدهمشي بين مرجحة الدموع ومُناجاة مساعد الرشيدي

واحة شاعر المليون: ثاني الدهمشي بين مرجحة الدموع ومُناجاة مساعد الرشيدي

 

ثاني الدهمشي – نجم شاعر المليون 

(واحة شاعر المليون)، مساحه جديده في وكالة انباء الشعر العربي، نقدم من خلالها نجوم شاعر المليون في كل مواسمه عبر نصوص شعريه جديدة لنعود بذاكرتنا الى ثلاثة عشر عاما من الابداع والتميز والحضور المبهج في مواسم شاعر المليون في مواسمه التي حفلت بكل ماهو جميل تلك السنابل التي زرعها ثمانية واربعين شاعر قدمهم البرنامج لتزهو بهم ساحة الشعر والابداع . من خلال هذه المساحة نعيد لكم نجوم كل المواسم في باقة شعرية نقدمها لقراء ومتابعي الوكالة.

واحة اليوم كانت مع نجم شاعر المليون ثاني الدهمشي ، الذي أهدى وكالة انباء الشعر ثلاث قصائد، حملت عناوين (مرجحة الدموع، مساعد الرشيدي، ياصاحبي ).

(مرجحة الدموع)

 

بسمتك شمس وغشت بسمتْك بعض الغيوم..
وخلّيت عيني رياح وعنّك آزحتها..

وركّزت فيك ولقيت آثار مسح الكموم..
وحلّفت رمشك دموعك ليه مرجحتها..

قال: ان عينك تفرّغ آه قلب مْهموم..
إتّخذت احزانه ضلوعك لأجل نحتها..

قوم ابتسم وإلعن الشيطان جعلك تدوم..
أحزنْت الأحباب والأنذال فرّحتها..

من صار الابداع ينصف بعد حب الخشوم
اغسل يدك من يدين بصدق صافحتها

كسبت اجر في هيام قلوب ناسٍ تحوم..
حولي ومن كثرة التفكير ريّحتها..

فنجالي ارشف غلاتك منْه في كل يوم..
من دلةٍ فوق جمر الحبّ فوّحتها..

خلك معي واسمع علومي وكبّ العلوم..
اللي رفضت اتجاهلها ولا اصلحتها..

ما دامت الأرض تحتي لا تشيل الهموم..
تدري متى تشيلها ؟ لا صرت انا تحتها..

(مساعد الرشيدي )

 

 

ذاب شمع الحروف وطاح دمع القصيد..
في رحيله بدأ مشوار  يتم القلم..

(ساحة الشعر) ما كانت تعدّه رصيد..
بل ترزّه .. لأنه كان ( شاعر علم )..!!

الألم سجن جمهوره ، ولو هو حديد..
كان هانت .. ولكن صعب سجن الألم..

عاش فينا فريد .. وراح منّا فقيد..
غاب واليوم (سيف العشق) منْه انثلم..

(ياصاحبي)

في مدرسة دنياي علمني الوقت..
ودرس الحياة اللي كتبني قريته..

الطيب درب ليا مشيته توفقت..
ويعثرك درب الردا لا مشيته..

بيت(ن) كتبته مختصر فيه وثقت..
معنى الشهامة مثل سهم ورميته..

رجل(ن) ليا من جيت عنده تضايقت..
ورجل(ن) ليا منك تضايقت جيته..

غربت في عمري تجارب وشرقت..
ولا فيه حزم من الحزن ما رقيته..

صوتي صدى حلم ومن الحلم ما فقت..
والشعر ليل ارتاح به لا سريته..

وعلى قلوب اللي تهقويتهم وقت..
وكم قلب لي به جرح أبد ما هقيته..

خوي عليه كبار الآمال علقت..
وقريب يوم أبطى علي احتريته..

يا صاحبي من كثر ما انا تذوقت..
خذها من اللي لا بغيته لقيته..

ينساك من حبيته وبه تعلقت..
ويذكرك من حبك ورحت ونسيته..

ويجفاك من لا مر طاريه اشتقت..
ويشتاق لك قلب(ن) نصاك وجفيته..

وحده بوحده تحترق مثل ما احرقت..
وتكوى مثل ما قلب غيرك كويته..

شاهد أيضاً

إعلان أسماء الفائزين في مزاينة رطب بومعان بمهرجان ليوا للرطب

أعلنت اللجنة المنظمة لمهرجان ليوا للرطب بدورته 17، عن أسماء الفائزين في مزاينة رطب بومعان …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *