الرئيسية / قسم الاخبار / الاخبار الرئيسية / واحة شاعر المليون: حمد العازمي بين الموج عاني وشعرك المنثور

واحة شاعر المليون: حمد العازمي بين الموج عاني وشعرك المنثور

(واحة شاعر المليون)، مساحه جديده في وكالة انباء الشعر العربي، نقدم من خلالها نجوم شاعر المليون في كل مواسمه عبر نصوص شعريه جديدة لنعود بذاكرتنا الى ثلاثة عشر عاما من الابداع والتميز والحضور المبهج في مواسم شاعر المليون في مواسمه التي حفلت بكل ماهو جميل تلك السنابل التي زرعها ثمانية واربعين شاعر قدمهم البرنامج لتزهو بهم ساحة الشعر والابداع . من خلال هذه المساحة نعيد لكم نجوم كل المواسم في باقة شعرية نقدمها لقراء ومتابعي الوكالة.

واحة اليوم كانت مع نجم شاعر المليون الشاعر حمد جودان العازمي الذي أهدى الوكالة ثلاث قصائد مميزة .

الموج عاتي

صدري الموج عاتي ؟ صافح الما وعم
‏‎طول عمر الشدايد ،،، داخله،،، خارجـه

‏‎لازم انك مـن الصدمات تاخـذ قسـم
‏‎كم عقولً مـن اهوال الزمن،،، مارجـه

‏‎انــزع الخــوف مـن قلبك وكبـر وسم
‏‎وكان بك هــم ربك ،،، فارجه ،،،فارجه

‏‎وشدّ حيلك مــع الايام وان طحت قـم
‏‎لاتقطع حبــال السرج ،،،، ياسارجـه

‏‎عانق المستحيل وشامخات،،،، القمم
‏‎ومحزمك دعوةً صوب السماء عارجه

‏‎لاتعشـم بـ آل ( الكفـو) وآل (ونعـم)‏‎
لو خطاهم على بساط الذهب دارجه

وكل ماذمـوا اسمك ؟ بايعيين الذممّ
اعــرف انك صنعت من الفخر بارجه

كبـر وسـادتك واضرب عليهـم ونــم
والعرب في غيابك،،هارجه،،، هارجه

شعرك المنثور

اخذني هبوب يداعبه شعرك المنثور
على مفترق نقطه من الثوب حساسه

انا اعشق وجودك عشق زاهد بنات الحور
واهيم بغلاك بخافقً ماقطع ياسه

بعد رحت وارماح المفارق علي بالدور
تزاحم على صدرن تخاشره بانفاسه

طغى حبك ويممت صوبك بدون شعور
مع انك بعيد ودونك الواقع وناسه

لك الله اتوق لطلتك من طلوع النور
يالينه يجزيني من الليل نسناسه

لاني تصورتك وطن وامنياتي سور
سماها سقتني حب وترابها كاسه

ياريح الشمال ان مر بالوادي الممطور
جمال العرب محبوس وشفاك حراسه

على ضحكت تنبت بوجه الحياه زهور
وعلى رمش عينك يعزف السهر لنعاسه

امانه ترا مرت سنه والحنين يفور
لو انه كذب شاعر معك خانه احساسه

تبن الوصل واعتق خيالً معك مأسور
ابرتاح من طاري غيابك وسواسه

ترا العالم اللي ما انت به عالم مهجور
وترا مجلس تخليه ماشوف جلاسه

بديتك غرام من الغلا والوفا معمور
وعشتك جفا منه المعاليق يباسه

 

 ابوخالد

تمر السنه ماحرك الشعر والامثال
سوا اللي لامر اسمه على الشعر غناله

تزين له حروف القصايد كبر واجلال
وتفاخر به الشعار وتمجد افعاله

سليل الشيوخ اللي لهم بالفخر منزال
وعز الخوي لاحجمت شمسه ظلاله

محمد ليا مالت كفوف الزمن ما مال
ولا عدت افعول العرب فعله لحاله

ينومس بوقفاته شعوب وعرب واجيال
تطيح الهمم دونه والامجاد ترقى له

وصل بالشموخ الحد الاقصى وقال وطال
وشرب من محيط الجود من جاله لجاله

توافد على داره رجال العرب رحال
وكلن يعود طيب وطيبن فاله

لو الشمس تحصي مايسوي من الاعمال
تجلى ظلام الليل تكريم لعماله

و لو الارض تذكر مية سنه رجال
هذا القرن ابو خالد زعيمه رجاله

يمينه عطاها يشبه الماطر الهمال
وكتفه ذراه اقسى من طويق وجباله

تعقبت غلطاته ولا جالها مثقال
وتعقبت لسمه مابقى مجد ماناله

له الصيت دام الارض من فوقها نزال
وله العز والهيبه بحله وترحاله

 

شاهد أيضاً

رحيل صاحب “المعلقة الكورونية” الشاعر خالد جميل متأثرا بكورونا

رحل  الشاعر والكاتب الصحفي المترجم خالد جميل الصدقة ، بعد إصابته بفيروس كورونا في مقر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *