الرئيسية / قسم الاخبار / الاخبار الرئيسية / واحة شاعر المليون: عريمان السبيعي في طعنتين و نصيحتك

واحة شاعر المليون: عريمان السبيعي في طعنتين و نصيحتك

(واحة شاعر المليون)، مساحه جديده في وكالة انباء الشعر العربي، نقدم من خلالها نجوم شاعر المليون في كل مواسمه عبر نصوص شعريه جديدة لنعود بذاكرتنا الى ثلاثة عشر عاما من الابداع والتميز والحضور المبهج في مواسم شاعر المليون في مواسمه التي حفلت بكل ماهو جميل تلك السنابل التي زرعها ثمانية واربعين شاعر قدمهم البرنامج لتزهو بهم ساحة الشعر والابداع . من خلال هذه المساحة نعيد لكم نجوم كل المواسم في باقة شعرية نقدمها لقراء ومتابعي الوكالة.

واحة اليوم كانت مع نجم شاعر المليون عريمان السبيعي الذي أهدى الوكالة ثلاث قصائد مميزة .

 

نصيحتك

نصيحتك في نظرة الطيب علاج
والا ضعيف النفس صعبٍ علاجه

لو قلت له وسط الحرم حج ياحاج
يشيل في نفسه ويعقد حجاجه

ثم عاد دور لك يابوزيد مخراج
قبل الهداد الحر يعرف خراجه

مامن ورى كثر الحكي غير الازعاج
بالذات لاخالط قراحه هماجه

الصمت يجهل حكمته كل هراج
والرجل يغني عن كلامه نتاجه

دام المجالس تحفظ حقوق الانتاج
الادمي مدحه لنفسه ،،، سماجة

من يعطي المحتاج لو كان محتاج
ترفع له البيضا لو انه خواجه

ميزة كرم حاتم ولا هان هداج
يجود لو مافي مخابيه حاجة

طعنتين 

انا دخيل عيونك اللي كلفتني طعنتين
والجمرتين اللـي تعدتـني ولا خمـيتها

لاتقطعين مواصلك ليّه سوى في حالتين
لاقالوا اني متّ والا لحيـتي ربِّـيـتـها

انا بدونك بين نارٍ تحرق فوادي وبين
العالم آللي من عرفتك مـ اذكر اني جيتها

بريت بر فيك مابره رضي الوالدين
حتى الديار اللي تضمك بالوصل بريتها

صورتْك حتى في المنام اصد عنها اروح وين
لاصار وسـط الذاكـرة والقلب شيِّـد بيتـها

من كثر مازولك معي لو ماتصلِّين سنتين
بتاخذين اجر الفروض الخمس لاصليتها

استغفـرك يا الله لامـرة ولاهـي مرِّتـين
من فكرةٍ قامت تحدحدني وانا حديتها

لعلها ترضي غرور اللي تلدّ بنص عين
وانا فناجيـل الغـلا لعيـونها صبيتها

عطيتهااصدق مفردات الحب واثرالظلم شين
نسيت نفسي عمد مدري بالخطأ نسيتها

صحيح لاقالولك ان القلب ماياخذ ثنين
وان الوفا ماهوب كلمة عابرة لاوحيتها

شخصٍ تشوفه يعتبر بذْرَت…

طلقين الوجيه

‏أحمد الله واشكره واثني عليه
‏الوفا ما مات والدنيا سَعَة

اعرف اللي لافضى مخباي اجيه
ويعرفني كل ماتقفل معه

وان حدانا الوقت عن شيٍ نبيه
عذره اقنعني وعذري يقنعه

مايعيب الفقر طلقين الوجيه
لاكشف وجه الزمان الاقنعة

واحدٍ تقصر عن الواجب يديه
وواحدٍ للطيب عزمه يدفعه

وواحدٍ مايثمر المعروف فيه
وواحدٍ لو طحت جرحك يوجعه

الجميل اخوان شما تشتريه
ولارجت من راس ماله منفعه

مير يوم الناس تنسى الحق ليه
وهي تشوفه بالعيون وتسمعه

جعل من ينكر جمايل والديه
مايحرّك غير عينه واصبعه

يسترح ويريّح العرض النزيه
ولحمةٍ راحوا ثلاثة واربعة

خوةٍ لو مالها ند وشبيه
حبلها شح المواصل يقطعه

خذ علوم العاقل وخل السفيه
وكلمةٍ يبغالها وزن اذرعة

القدا ..والراي.. والعقل النبيه
خاليٍ منها رصيد الامّعة

شاهد أيضاً

الشارقة تُطلق مهرجان الفنون الإسلامية في ديسمبر

تنظم دائرة الثقافة في الشارقة خلال ديسمبر القادم فعاليات النسخة الـ24 من مهرجان الفنون الإسلامية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *