وكالة أنباء الشعر
مقالات مشابهة
(واحة شاعر المليون)، مساحه جديده في وكالة انباء الشعر العربي، نقدم من خلالها نجوم شاعر المليون في كل مواسمه عبر نصوص شعريه جديدة لنعود بذاكرتنا الى ثلاثة عشر عاما من الابداع والتميز والحضور المبهج في مواسم شاعر المليون في مواسمه التي حفلت بكل ماهو جميل تلك السنابل التي زرعها ثمانية واربعين شاعر قدمهم البرنامج لتزهو بهم ساحة الشعر والابداع . من خلال هذه المساحة نعيد لكم نجوم كل المواسم في باقة شعرية نقدمها لقراء ومتابعي الوكالة.
واحة اليوم كانت مع نجم شاعر المليون طلق بن عيد الدعجاني الذي أهدى الوكالة ثلاث قصائد مميزة .
(( الهجير ))
يوم ذابت شمعة الشمس من طول النهار
والدجى جا يسرج الكون ليل وزمهرير
وين اسبح صبر والكف من شعله ونار
والخرز من ثلج والخيط سلك من حرير
يازمن والدمع لو فيه معنى وعتبار
مايجوز ان الصغيره تعزي عن كبير
لين مل الدمع من صبر عيني واستطار
غير دمعه ساقها اليتم للجفن الغرير
غردت في سدرة الرمش واغوها الحمار
واومت يديني عليها وعيت لا تطير
يازمن وين ارسي الصبح والضيعه فنار
والبحر عفريت والسِيف مايرحم ضرير
لا تقول ان البحر فيه دانن فالمحار
نصفنا الغرقى محاره من الجم الغزير
يازمن زوادة الهرج ماتيمن يسار
والهجيني لا أنكر الهجن مايقطع مسير
استحي من قول بكره لبكره واعتذار
ذاتي لذاتي سراب يفلسفه الهجير
واي حرف بله التيه مايقدح شرار
وانت قلي وش بقى منك حتى مايصير
(( جريدة مسافر ))
قل لسحاب اللي سرى تالي الليل //
ماودع ارضٍ من نهاره وطاها !!
ادري من اول برق ماتحري السيل //
مير الضلوع ومايعزي ضماها !!
شحت على ارضي بك وعود المقابيل //
حتى ضلالك ماتمرى ثراها !!
واقفيت لك فووق الصحاري تراتيل //
وزريت لا ادرك سجدة من وراها !!
قبلك ومن بعدك من القيل للقيل //
وش سوت هجوس اللحون وبناها !!
يبست غصون القافيه والمواويل //
ملت أعربها واختنقها صداها !!
واستوحش الدفتر يراع التماثيل //
والورق عيت لاتذكر غناها !!
وكان القلم والمحبره مكحل وميل //
بالشعر عيني كحلها اللي عماها !!
الله معك لارحت يانافل الجيل //
واسرع خطاك ولا يهمك خطاها !!
والذكريات اللي سراب المواصيل //
اعلى مبانيها وطول مداها !!
جريدة مسافر قطع صمته الريل //
واستعجله صوت الصعود ونساها !!
ماعادلي بمعاند الحط والشيل //
من زمهرير جهنم الليا لضاها !!
حتى صورك اللي منول قناديل //
اطفيتها من ملح عيني وماها !!
مدري عن السبّع وقل ماعرف سهيل //
والمقبلات اقطع بصدك رجاها !!
تحلف عن الفرقى ورن الخلاخيل //
من صوتها اعرف عن رضاك ورضاها !!
ياكبرها يامثلث الشهد والهيل //
يامرها لوك تجمل حلالها !!
لكن تذكر مافالاحباب تبديل //
وان بعت احبك باعك اللي شراها !!
قصيدة في الشيخ / محمد بن زايد
اليوم حان الوعد ياشعر واليوم عيد
واغلى بيوت المدايح غنت اعيادها
ترزمت كل غرّا في مديح الفريد
يلوح براقها ويحن رعادها
في غير ابوخالد محمد ماعندي جديد
اسمه لجا فالقصيده بالفخر زادها
ياسيدي يامحمد وانت فعلك رشيد
فعايلك تسبق اقوالك بميعادها
محبتك ثابته وانضخها فالوريد
مشاعرً صادقه ما يلحق مادها
يسمو لحضرت سموك كل مجدً تليد
يامحقق المستحيل ومنبع امجادها
انته سمو التواضع جعل عمرك مديد
لو هييتك توصل الجوزا وترتادها
وانته حميد السجايا وانت شبحك بعيد
وانته عقاب الثريا لا طلع سادها
واسمك سمو المكارم ياملاذ الضهيد
و رياف هشلا الفواجع وانته اضمادها
مثل الجبل في شموخك وانت طب العنيد
سبع الاراضي توازنها على اوتادها
مثل البحر في هدوءك وانت باسك شديد
تكسر هل العند حتى تترك عنادها
من حنكتك تخصم الكلمه ورايك سديد
واتحل بالعقل عقد فح عقادها
( وان دنّدنت للمصايب واستطال المريد)
(تقرا على ام الفتن واتموت فمهادها)!!!
فاللمد دايم شعاراتك (( وهل من مزيد ))
يمينك الجود مصدرها وميرادها
طموحك بلا حدود وهمتك ماتهيد
يالنادر اللي بلاده للعلا قادها
سبع الامارات بسمك ياخصيم الضديد
اتسور حدودها .. وتغيض حسادها
تفرح بحضرت سموك عيطموس القصيد
ويلوح براقها ويحن رعادها
وان كان تبغى الصراحه والكلام الاكيد
مواقفك يعجز اعن العد عدادها
يوم اذكرك فالقصيده راسي المستفيد
بسمك بيوت المدايح عاشت اعيادها
