وكالة أنباء الشعر
مقالات مشابهة
مساحه جديده في وكالة أنباء الشعر العربي نقدم من خلالها نجوم شاعر المليون في كل مواسمه عبر نصوص شعريه جديدة لنعود بذاكرتنا الى ثلاثة عشر عاما من الابداع والتميز والحضور المبهج في مواسم شاعر المليون التي حفلت بكل ماهو جميل. تلك السنابل التي زرعها ثمانية واربعين شاعر قدمهم البرنامج لتزهو بهم ساحة الشعر والابداع . من خلال هذه المساحة نعيد لكم نجوم كل المواسم في باقة شعرية نقدمها لقراء ومتابعي الوكالة.
واحة اليوم كانت مع نجم شاعر المليون الشاعر السوري اسعد الروابه الذي أهدى الوكالة قصيدتين (وساع البراري،هوله).
وساع البراري
طالبك يالعيس لا تبعد ضعنا
خلنا لـ التيه بـ وساع البراري
لاتعجّل بالمسير ولاتعنا
ولاتعنينا على هاك المحاري
ليه سلمى ما تسيل الناس عنا؟
ليه خلتنا لـ هبات الذواري ؟
ليه تستستهل تعبنا وتدري انّا؟
من ليوث البر والشم الضواري
بنت بدو محنية من غير حنا
تسرق الالباب بالفكر الحضاري
آهـ يا سلمى حنين الورّق غنا
والقلوب تنوح واتهل العباري
من سكنتي بالمدينة وقلتي جنة
وخطوتك من باب بيتك للفراري
وحنا بقعا بالمصايب تمتحنا
مثل فخ الصيد في وجه الحباري
البيوت السود يا سلمى وطنا
والليال البيض ميعاد المساري
من وعينا بـ هالحياة وهذا حنا
نستلذ الموت ببطون الصحاري
هوله
شقول مدري عنك.. ياعاشق الصمت
حيرتني والليل يرخي سدوله
(عكاضتك شبرين) من يوم سلمت
سويتنا بين المحبين (هوله)
لا بشّ وجهك للقا ….ولاتكلمت!
والليل ثاوي والخطاوي عجوله !!!
والله لو منت بخفوقي تيتمت
وانك وحيده .. من زمان الطفوله
لاقول لك من قبل تقعد توهمت
منت الذي كنت آترجى وصوله
وش فيك حتى عن سحور الحكي صمت !
ماكّن به ما بيننا …..ما نقوله
وانا الذي ياما معك همت وحْلمت
بنّا سوى نبني من الحب دوله
عابس تحسب للمقابيل ماهمت
وايديك في صدر الكلام مغلوله
خل الزعل لاتْعكر الجو بالصمت
افرد حجاجك ياعريب الحموله
بالله قلي وش يصير ان تبسمت؟!
بس ابتسم.. كل الامور مْحلولة
